O conflito en Guarino Guarini

 

É o que buscaba. A súa obra buscaba a contradición e o conflito. Nesta obra que corresponde á Cappella della Sacra Sindone en Turín ( 1668-1694), a cúpula ten nos eixes das seis aberturas do tambor, 36 arcos segmentados, que sosteñen a súa estrutura que parece moito máis alta do que é. Entre eses arcos moitas ventás permiten que a luz indirecta pase provocando a percepción de máis altitude. 

Guarino Guarini ( Modena 1624-Milán, 1683)  foi un arquitecto moi especial. Profesor de literatura y de filosofía, foi matemático e arquitecto. Influenciado por Borromini creou esta capela que é unha obra mestra da arquitectura e da xeometría.