Sobre Rosalía ( I)

 José Agustín Goytisolo ( Barcelona, 1928- 1999) escribiu o poema "Palabras para Julia" , un poema para a súa filla cando esta tiña sete anos e a quen lle puxo o nome da súa nai que morreu en 1938 cando Barcelona foi bombardeada durante a Guerra Civil, sendo el un neno. Foi irmán de poetas : Juan e Luis Goytisolo, todos pertencentes á Xeración do 50'  xunto a Jaime Gil de Biedma, José Ángel Valente ou José Manuel Caballero Bonald.

Moitos foron os que versionaron este poema: dende Paco Ibáñez que foi o primeiro, seguindo con Mercedes Sosa, Rosa León, Iván Ferreiro e outros.  Eu déixovos a que cantou Rosalía co acompañamento dun guitarrista maravilloso que a mira dándolle o seu espazo e en total compenetración.